Os nenos e nenas de Educación Infantil celebraron con moita ilusión o Día do Libro nunha xornada moi especial chea de historias e imaxinación. Aproveitando o bo tempo, fomos ata o parque, onde as profes lles contamos o conto de "Corre, corre, Cabaciña" que escoitaron con moita atención e entusiasmo.
Despois, cada neno e nena puido escoller libremente un libro da nosa libraría de aula, elixindo aquel que máis lle gustaba. Xa co seu conto nas mans, buscaron un recuncho do parque no que se sentían a gusto.
Pasárono fenomenal e desfrutaron moitísimo da actividade, vivindo o Día do Libro dunha maneira diferente e moi divertida. Sen dúbida, foi unha experiencia moi bonita que axuda a seguir espertando o gusto pola lectura dende pequenos.
No hay comentarios:
Publicar un comentario